أغنيات من كسلا

استعرض الموضوع السابق استعرض الموضوع التالي اذهب الى الأسفل

درة في شرقك

مُساهمة  معتصم كليل في الجمعة يوليو 15, 2011 11:12 pm

درة في شرقك ) كلمات بسيطه ولاكن معبرة الشكر للفنان (صديق سرحان)

درة في شرقك مصونة كسلا يا طيبة وحنونة

دبـــــــــــــــــا يــــــــــــــــــــــــــــــــــــو

زيــــــــــــدي في علياكي برضـــــــــــك

دبـــــــــــــــــا يــــــــــــــــــــــــــــــــــــو

فيك معالم ثابته راسخة ذي جبال التاكا شامخة

دبـــــــــــــــــا يــــــــــــــــــــــــــــــــــــو

السماحة المسا صابحا ليك عيون توتيل بتسقي

دبـــــــــــــــــا يــــــــــــــــــــــــــــــــــــو

الحلنقي والمحلق ما خيالن فيكي حلق

دبـــــــــــــــــا يــــــــــــــــــــــــــــــــــــو

أو قليبن بيك تعلق إنتي طبعا تستحقي

دبـــــــــــــــــا يــــــــــــــــــــــــــــــــــــو

يعزف القاش ليكي لحنو والسواقي عليكي تحنو

دبـــــــــــــــــا يــــــــــــــــــــــــــــــــــــو

يا سعادة البيكي بهنو من عطياك والترقي





أهل الجبل (اللحوي)

أهل الجبل إحساس رقة وسلامة زوق
زورهم عشان تعرف طعم الحياة والزوق
شجر الأراك رويان والطير يغرد فوق
والتاكا سيد الزوق بعيد وما ملحوق
عطشان أنا ومشتاق لخضرة الوادي
لنغمة الساقية ترنيمة الشادي
يا نسمة يا جاية فرحانة تتهادي
يا ريت علي جناحك أنا أمشي لبلادي
نرحل متين نحنا لخوة الأحباب
وعلي ضفاف القاش الجنة تفتح باب
ظروفنا حكمانا نرحل نعيش أغراب
شايفنو قدامنا بحر الأماني سراب
قضيت سنين عمري بين الدروب راحل
مشيت بلاد وبلاد ساق رحلتي الأماااال
شفت الجمال لاكن ما مر بي جمال يشبه
جمال كسلا ويشبه نخيلا الشال






البنعشق أرضها( الفنان عادل مسلم)


كسـلا البنعشق أرضــها أزهرا بـتـريدا بعضــــها
كســـــــــــــــــــــــــلا أريد كســــــــــــــــــــــــلا
القاش سرح فيها وقدل شاقي السهول شايل الأمـل
توتيل مياه تتقطر عسل يا النازلا من قلب الجبــل
ســــــــــــاقية حنــــــــــــان تســــــقي الأهـــــل
كســــــــــــــــــــــــلا أريد كســـــــــــــــــــــــلا
دلوني يا ناس وين أنـا وين ألقي روحي أطمـــنا
أنـــو الزمـن مهما جنــا جـــور الزمـن ما بهمنا
دا القــــــــاش مصيـــــــــــــــــرو يـــــــــــلمنا
كســــــــــــــــــــــلا أريد كســـــــــــــــــــــــلا
ما إتغيرت كسلا الزمان ما إتبدلو الناس الحنان
لسه القلوب شايلا الحنان برضو المكان ياهـــو
المــــــــــكان أتلــــــما كــــيف أنـــــا يا زمان
كســــــــــــــــــــلا أريد كســـــــــــــــــــــــــلا
كسلا السحابة الشايلا شيل غير تدي ما بتعرف تشيل
يا حليلو في التاكا المقيل تحت الأراك والظل ظليل
يــــــــــــــــــــا ريت تعود أيـــــــــام قبيــــــل
كســــــــــــــــــــلا أريد كســـــــــــــــــــــــلا
كسلا البنعشق أرضها أزهرها بتحب بعضها
avatar
معتصم كليل
المدير العام
المدير العام

المساهمات : 93
تاريخ التسجيل : 19/03/2011
العمر : 35
الموقع : منتديات بن كليل

http://monty0912120411.com

الرجوع الى أعلى الصفحة اذهب الى الأسفل

رائـــعة اسحاق الحلنقي..

مُساهمة  معتصم كليل في الجمعة يوليو 15, 2011 10:57 pm

رائـــعة اسحاق الحلنقي..



حبــيــت عــشـانـكـ كـســلا

ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
***
كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
***
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
***
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
***




فايت مروح وين (إسحاق الحلنقي - الفنان التاج مكي)
فايت مروح وين ...
لسة الزمن بدري ...
خليك شوية عشان ...
جنبك يطول عمري ...
دار الفرح والريد ...
تلقاني من أهلها ...
ومين اللي ما بعرف ...
طيب شباب كسلا ...
يلاك بعيد نرحل ...
لدنيا حنية ...
نعيش لوحدينا ...
سيرتنا منسية ...
وأسقيك مياه توتيل ...
عشان تعود لي ...
بين الضفائر بان ...
وجه القمر طلا ...
وكيف قلبي يتنقل ...
صبرني يا الله
avatar
معتصم كليل
المدير العام
المدير العام

المساهمات : 93
تاريخ التسجيل : 19/03/2011
العمر : 35
الموقع : منتديات بن كليل

http://monty0912120411.com

الرجوع الى أعلى الصفحة اذهب الى الأسفل

أغنيات من كسلا

مُساهمة  معتصم كليل في الجمعة يوليو 15, 2011 10:53 pm

اغنيات من كسلا

قصائد شعر... وقلائد عشق.. لمدينة بكر .. توشحت بعباءة التاريخ
لإطلالة توثيقية لبعض من الشعراء المسكونون بمفاتن هذا المدينة
الرائعة التي جار عليها الزمان وعصفت بها نوائب الدهر هذا البوست
بمثابة توثيق وجمع بعض النصوص الشعرية التي كتبت عن مدينة كسلا
فلنسعي جميعنا الي رصد وتوثيق المأثر الأدبية والفنية التي رسمت ملامح
المدينة التي كاد النسيان أن يطويها .

فلنبدأ ب
كسلا أشرقت بها شمس وجدي رائعة الروائع لشاعرنا الكبير المرحوم توفيق صالح جبريل




نضّر اللهُ وجهَ ذاك الساقي
إنه بالرحيق حلَّ وثاقي
فتراءى الجمالُ مُزدوجَ الإشراق
يَسبي مُعدّدَ الآفاق
كان صبحاً طلقَ المحيّا نديّاً
إذ حلَلْنا حديقةَ العشّاق
نغمُ الساقياتِ حرّك أَشْجَاني
وهاج الأسى أنينُ السواقي
بين صبٍّ في حبّه متلاشٍ
ومُحِبٍّ مستغرقٍ في عناق
وتلاقتْ في حلبة الرقصِ أيدٍ
وخدودٌ والتفّ ساقٌ بساق
فظللنا والظلُّ والطلُّ هامٍ
في انسجام وبهجة واتّساق
وفتاةٌ تختال تختار كَرْماً
وغريرٌ لمخدعٍ مُنْساق
والغواني الحسانُ بين يدينا
تتثنّى في القَيْد والإطلاق
أقبل الصبحُ والشهودُ نُهودٌ
مسفراتٌ، أَمَا لها من واق؟
ظلّتِ الغيدُ والقواريرُ صرعى
والأباريقُ بِتْنَ في إطراق
اِئتِني بالصبوح يا بهجةَ الرُّوْح
تُرحْني إنْ كان في الكأس باق
يا بنةَ «القاشِ» إن سرى الطيفُ وَهْناً
واعتلى هائماً، فكيف لحاقي؟
والمنى بين خَصرها ويديها
والسنى في ابتسامها البرّاق
«كَسَلا» أشرقتْ بها كأسُ وَجْدي
فَهْيَ في الحقّ جنّةُ الإشراق
avatar
معتصم كليل
المدير العام
المدير العام

المساهمات : 93
تاريخ التسجيل : 19/03/2011
العمر : 35
الموقع : منتديات بن كليل

http://monty0912120411.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى